Dies ist ein Rezept in kurpfälzischem (genauer: sandhäuser) Dialekt.

Zutaten

(fa vier gudä Essa)

• ä Pund Baunä
• 4 Kaddoffl
• 3 Zwiwwl
• 2 Maggi Briewäfl
• 2 Zehe Knowlisch
• ä halb Pund Därrfloasch
• Natron, Salz, Peffa, Maggi

Zubereitung

Baunä iwwa nacht in ä Tubbaschissl du un Wasser un än Teeleffl Natron däzu du. Dä neegschdä Morjä s'Wasser abschiddä un d' Baunä in än Haffä du. D'Kaddoffl un d' Zwiwwl schäilä un in klonä Wääfelin schneide. Tsammä mim Därrfloasch zu dä Baunä in dä Haffä schiddä. Dä Knowlisch oa schäilä un als ganzes däzu du. Mit zwee Teeleffl Salz, Peffa, 10 Schbritza Maggi, äm ä bissl Fondor wätzä. D'Briehwäfl oa nei du. Mit circa anathalb Lidda Wasser ufffillä, sou dass alles bedeckt isch. Ordentlich Feier machä bis dä ganze Haffä kocht, dann circa onäväddl Stund bei klona Hitz keschlä. Fäddisch isch die Baunäsupp, wann'd Kadoffl ganz woisch sin. S'Därrfloasch rausdu un klo schneidä. Domit des ganzä ä bissl sämisch wädd, ä Mehldoigl neimachä. Wann ma will, kann ma noch Leonerwoscht klo schneidä und nei du.